En novembro iniciamos novo proxecto subvencionado polo programa europeo Erasmus+!

A misión de “BABEL” é desenvolver técnicas educativas innovadoras e de alta calidade para a difusión do patrimonio literario e oral: crear e avaliar técnicas innovadoras e desenvolver iniciativas para capacitar a profesionais do ámbito do patrimonio cultural, desenvolvemento comunitario e intervención cultural e socioeducativa, no emprego de metodoloxías propias da educación non formal ao servizo da difusión do patrimonio literario e oral europeo.

O 2018 foi un ano de moitas alegrías para Xandobela. Continuamos con moitas das iniciativas que máis nos definen: as campañas escolares de dinamización lingüística e divulgación cultural por todo o país, difusión do coñecemento e patrimonio cultural a través das Bibliotecas Viventes (este ano foron 3! Todo un récord!), fomentando o patrimonio lúdico en todas as idades, creando rede e coordinando os proxectos europeos de promoción da lectura e desenvolvemento de técnicas innovadoras no eido do patrimonio cultural inmaterial, alentando a participación xuvenil...

Mais tamén iniciamos outros proxectos nos que levamos anos traballando na sombra e que por fin podemos presentar. O proxecto "Tesouros vivos" ve a luz grazas ao apoio da Área de Cultura da Deputación da Coruña a través da súa liña de subvencións para a produción de proxectos singulares.

Xandobela (Galicia), La Corte della Carta (Italia) e A APDP – Associação Para o Desenvolvimento de Pitões (Portugal) coordinamos o proxecto cofinanciado pola programa europeo Erasmus+ desde o mes de abril.

Podedes seguir os avances do proxecto na súa páxina web pinchando aquí.

Tedes aquí dispoñible o catálogo de actividades para bibliotecas con propostas diversas para lectores e lectoras infantís e familiares principalmente: actividades creativas, escénicas, con formatos tradicionais e formatos máis novidosos, nas que primamos o ludismo, o protagonismo absoluto do público e da literatura galega, con especial atención ás datas sinaladas no Calendario do Libro e da Lectura 2018.

'The adventure of reading' é un proxecto de educación de persoas adultas subvencionado polo programa Erasmus+ dentro das chamadas Asociacións Estratéxicas, no que participamos Xandobela desde Galicia, Associação Para o Desenvolvimento de Pitões desde Portugal e La Corte della Carta desde Italia.

É unha estratexia de cooperación transnacional que busca desenvolver competencias e capacidades nas persoas adultas interesadas no fomento da lectura e a promoción de hábitos lectores a través de enfoques creativos para a dinamización da cultura, o multilingüismo e a interacción social. Buscouse crear unha metodoloxía integral, innovadora, práctica e transferible a calquera contexto e realidade social, para a animación á lectura, a través de diversas actividades: estudo e identificación de boas prácticas nos tres países, a experimentación con métodos e actividades durante a execución de iniciativas locais e un exhaustivo proceso de avaliación de todas estas medidas.

Está aberto o prazo para solicitar actuacións do programa "Ler conta moito" para as bibliotecas de toda Galicia.

Aquí tedes a resolución. Buscádenos nestoutra ligazón e non dubidedes en solicitar a nosa proposta!

"Desencabúxate cabuxo!" son contos que falan das emocións e de cando nos enfadamos tanto que bufamos coma touros e ata nos sobe unha cousa terrible pola barriguiña! Pero temos un truco que non falla! Se facemos bailar o dragón chinés o cabuxo marcha e podemos levarnos ben! Facemos un?

Xa está aberto o prazo para solicitar as actuacións dentro do programa da Rede Cultural 2016 da Deputación da Coruña. Todos os concellos e asociacións da provincia que formen parte da Rede Cultural tedes ata o vindeiro 12 de maio para facer as vosas solicitudes.

Nesta edición Xandobela preparou un catálogo amplo e atractivo con proxectos e ofertas para todas as idades e para conmemorar as datas máis sinaladas deste ano 2016: