Os Cantos de Noiteboa, Cantos de Aninovo e Cantos dos Reis son os cantos propios da época do Nadal da tradición oral galega: era común organizarse en cuadrillas para ir pedir o aguinaldo dos veciños/as, de porta en porta, cantando estas pezas tradicionais e xuntar, así, algo de xantar para celebrar unha pequena festa ou paparota.
Esta tradición estase perdendo, como tantas outras manifestacións culturais populares: co esforzo de moita xente anónima, e ao longo dos anos, os cantos e as súas letras fóronse recollendo e recompilando, editando distintos materiais de difusión, discos, creando páxinas web... pero o que é a práctica de ir cantar, de xuntarse, de celebración conxunta coa veciñanza destas datas tan sinaladas... desapareceu practicamente en toda a xeografía galega.
Esta é unha proposta que persegue difundir o patrimonio cultural inmaterial relacionado coa tradición do Nadal galego entre a xente máis nova dunha maneira creativa, participativa e amena: a literatura oral (os Cantos, os romances...); a música (os ritmos e melodías empregas; os instrumentos...); e tamén os rituais relacionados con ir cantar os Reis (pedir licenza; pedir o aguinaldo; os agradecementos...).
É por isto que nas vindeiras datas xuntarémonos familias enteiras para elaborar instrumentos coas nosas propias mans, aprender un cando de Nadal e saír á rúa a pedir o aguinaldo en:
- Sábado 20 de decembro ás 17h no local da asociación de Empresarios Comerciantes e Traballadores Autónomos de Riveira (av. Rosalía de Castro, 13)
- Luns 22 de decembro ás 10:30h na biblioteca municipal de Cerceda.
- Luns 22 de decembro ás 17h na rúa Colón, 7 (Galerías de 'Retales Lidia') Vigo.
- Martes 23 de decembro ás 17h no local de ACECA (r/ SAn Roque 109 Vigo)
- Mércores 24 de decembro ás 16:30h no local da asociación de Empresarios Comerciantes e Traballadores Autónomos de Ribeira (av. Rosalía de Castro, 13)
- Luns 29 de decembro ás 17h no novo local da asociación Veciñal e Cultural Casco Vello (r/ Cánovas del Castillo, 2 baixo, Vigo)
- Martes 30 de xaneiro ás 17h no centro cultural Fernando Casas Novoa do concello de Oroso
- Venres 2 de xaneiro ás 17h nas galerías comerciais Gran Vía (av. Gran Vía, 176 Vigo)
Agardámosvos!