Chegou ao seu remate o proxecto 'Dialogue for Tomorrow' ('Diálogo para un mañá') no que Xandobela colaborou coa Asociación Cultural e Xuvenil ITACA de Compostela que, en parcería con cinco entidades de outros tantos países europeos (Polonia, Eslovenia, Estonia, Lituania e Austria), durante dous anos desenvolveu un proxecto Grundtvig de Aprendizaxe permanente de adultos. O proxecto 'Dialogue for Tomorrow' é unha iniciativa baseada na experiencia e historia de vida dos nosos/as maiores e a aprendizaxe mutua entre xeracións, e busca traballar a promoción do diálogo interxeracional a través do desenvolvemento de actividades e o intercambio de boas prácticas.
Ao longo de dous anos desenvolvéronse as seguintes actividades:
VISITAS DE COORDINACIÓN E APRENDIZAXE a seis países:
- Polonia, decembro de 2012.
- Eslovenia, febreiro de 2013.
- Polonia, agosto de 2013.
- Estonia, outubro de 2013.
- Galicia, xaneiro de 2014.
- Lituania, marzo de 2014.
- Austria, xuño de 2014.
UN ENCONTRO EN GALICIA DACABALO ENTRE COMPOSTELA E VIGO. Pinchando aquí terás máis información.
ACTIVIDADES LOCAIS, como a primeira Biblioteca Vivente desenvolvida en Santiago de Compostela, en colaboración co Museo do Pobo Galego. Aquí podes acceder ao catálogo de Libros.
EXPERIMENTOS ITAQUEIROS, como o proxecto 'Quiroga Viva', de diálogo interxeracional e divulgación do patrimonio cultural inmaterial no tempo libre.
E unha chea de aprendizaxes máis...
Eis aquí algúns vídeos e a memoria gráfica do proxecto.
Máis información, na web do proxecto pinchando aquí.
Parabéns Itaca!
E convite a todo o tecido asociativo galego para que se bote a navegar neste tipo de iniciativas!