OBRADOIROS DE COCIÑA PARA A RAPAZADA
NÚMERO MÁXIMO DE PARTICIPANTES: 30 (previa inscrición aquí)
IDADES: de 6 a 12 anos
LUGAR: Aula Gastronómica do Mercado de Abastos de Santiago de Compostela
A miúdo o contacto dos máis cativos co mundo da cociña é escaso e soe limitarse a tarefas menores e indirectamente relacionadas coa cociña en si (poñer ou recoller a mesa, varrer, secar a louza...). Se ben estes traballos son imprescindibles e moi recomendables, tamén é certo que non implican unha acción real na elaboración dos pratos.
No Nadal, época única e máxica do ano na que a gastronomía ocupa un lugar moi especial e se goza xeralmente na casa coa familia e amigos/as, é un bo momento para introducir aos nenos e nenas no mundo da cociña.
A través destes obradoiros búscase que os nenos/as se introduzan no universo da cociña, experimenten e aprendan a elaborar variadas receitas para poder sorprender na casa con todo o aprendido.
Son seis sinxelas e apetitosas receitas, tres entrantes e tres sobremesas, coas que tamén se traballarán aspectos relacionados coa presentación creativa dos pratos así como con hábitos de hixiene, seguridade e corresponsabilidade.
• SÁBADO 20 DE DECEMBRO, DE 11:30 A 13:00 HORAS
TARTALETAS DE HERBAS E QUEIXO DO PAÍS
Saborosas tartaletas de queixo perfumadas con todo tipo de herbas frescas.
• SÁBADO 20 DE DECEMBRO, DE 17:00 A 18:30 HORAS
GALLETAS DE XENXIBRE E CANELA
Elaboraremos as tradicionais galletas de xenxibre e canela e demostraremos os
nosos dotes artísticos decorándoas cun sinfín de cores.
• SÁBADO 27 DE DECEMBRO, DE 11:30 A 13:00 HORAS
MADALENAS DE QUEIXO E CHOURIZO
Unha maneira diferente de cociñar e presentar produtos tan tradicionais como o
chourizo e o queixo do país.
• SÁBADO 27 DE DECEMBRO, DE 17:00 A 18:30 HORAS
BOLIÑOS DE CABACIÑA
Un lucido entrante no que os nenos/as amasarán e darán forma aos seus
deliciosos boliños de cabaciña.
• SÁBADO 3 DE XANEIRO, DE 11:30 A 13:00 HORAS
TURRÓN DE CHOCOLATE
Que sería do Nadal sen o turrón? Aprenderemos a elaborar esta larpeirada que
tanto nos gusta. A quen non lle presta?
• SÁBADO 3 DE XANEIRO, DE 17:00 A 18:30 HORAS
CARBÓN DE REIS
Aprenderemos os segredos de elaboración deste gran doce de Nadal, que
poderemos levar a casa e agasallar no día de Reis como manda a tradición!
Mais información en http://www.compostelagastronomica.es/gl/programa/nadal-peque