'Xosé María Díaz Castro na Voz da Xente' é unha xincana literaria que pretende achegar a figura, a obra e a vida de Díaz Castro á rapazada de xeito didáctico e lúdico-participativo, espertando a curiosidade e incentivando o se sentir partícipe.. No desenvolvemento da actividade, a rapazada terá que ir superando, por grupos e guiada por monitorado, un total de catro probas ou retos relacionados coa vida e coa figura do persoeiro homenaxeado, nas que se combinan a compoñente histórico-lingüística coa dimensión lúdica e participativa: Penélope, Díaz Castro docente e tradutor, Nimbos de luz e Obra espallada.
Esta xincana literaria acompañará en sete concellos da Rede de Dinamización Lingüística á mostra itinerante 'Nimbos de Luz' promovida polos departamentos de Cultura e de Política Lingüística da Consellería -comisariada por Alfonso Blanco Torrado, por Luís González Tosar e por Armando Requeixo- coa que a Xunta de Galicia quere difundir a vida e a obra de Xosé María Díaz Castro, autor homenaxeado en 2014 con motivo das Letras Galegas.
Datas e lugares de realización da actividade:
- 07/05/2014: Cerceda (A Coruña). Centro Cívico. 1ª quenda ás 10:30 horas - 2ª quenda ás 12:30 horas
- 28/05/2014: A Estrada (Pontevedra). Sala de exposicións do Teatro Principal. 1ª quenda ás 10:30 horas - 2ª quenda ás 12:30 horas
- 16/06/2014: Redondela (Pontevedra). Multiusos da Xunqueira. 1ª quenda ás 10:00 horas - 2ª quenda ás 12:00 horas
- 15/07/2014: Vilagarcía de Arousa (Pontevedra). Praia da Concha (en caso de choiva, Auditorio Municipal). Única quenda ás 18:30 horas
- 24/10/2014: A Rúa (Ourense). Casa da Cultura. 1ª quenda ás 10:00 horas - 2ª quenda ás 12:00 horas
- 01/12/2014: Cee (A Coruña). Casa da Cultura. 1ª quenda ás 10:00 horas - 2ª quenda ás 12:00 horas
- 18/12/2014: Celanova (Ourense). Casa dos Poetas. 1ª quenda ás 10:00 horas - 2ª quenda ás 12:00 horas
Máis info aquí.